دارنا اللي فارقت أغلى ولد
من يعزيها على طيارها؟
ضمته في صدرها صار اللحد
شفتها تذرف عليه عبارها
دمعها يوم انهمر ثلج وبرد
يمكن اللامعة تطفي نارها
ليه ما تبكي وهو حافظ عهد
ليه ما تبكي وهو ما بارها
كانت تشوفه لها ذخر وسند
بالنشايب ما يخلي ثارها
من غلاها عادته صبر وجلد
كم عشان الدار شاف اخطارها
كم سهر ليله ولا لحظة رقد
العيون.. لبرها وبحارها
التعب من شانها ذاقه شهد
والله انه ما شكى امرارها
يا ولد هذا البلد.. واطهر بلد
البسالة في خفوقك نارها
الشهادة من كريم لك وعد
العوض في جنته وانهارها
والله انا يا وطن جيش الفهد
ذي صقور لك تبيع أعمارها
المنية قسمة الفرد الصمد
ودون عزك يا وطن نختارها
