إن كان ما قلت لي قافٍ يشرفني

عسى تجيه المنية قبل لا أبدي به

يموت قدام جوف البئر يحذفني

وقدام يوحيه ناقد شعر ويعيبه

وقصائد اليوم فيها ما يحسفني

على استماعي لها وتجيب لي ديبه

الشعر ما ترفعه بالعكس له تفني

وتسببت في الأدب جابت له مصيبه

وما يؤسف اللي يحب الشعر يؤسفني

ما دام شعار غفلة جوك باللي به

أصبح هدف كل واحد ناظر وشفني

ينشر ومبسوط معجبته هناديبه

استخدموا مفرداتٍ تقل تقصفني

الشعر يبغون ترجمته وتغريبه

لكنّ بعض القصائد ما تخالفني

قصائدٍ تحتوى معاني الطيبه

قصائدٍ تتحف السامع وتتحفني

موطن حِكَم والهدف ترميه وتصيبه

أصحابها مبحرة وتشرِّع السفني

عرّافة وكل علمٍ طيِّب تجيبه

لولا هم الشعر يمديه إندفن دفني

قصيدهم يخدم الموروث ويثيبه

ودي بقافٍ ليا قلته يشرفني

وما خالف الذوق في معناه ما ليبه