سرت كواشيف لبراقها ضوح
سرن ولاحن وابرقن وارهشنا
ريح المطر مقبل وشميت له فوح
نسمة هواه اتزيدني واتعنا
خايلتها واسترسل القلب بالنوح
وارعد مع البراق قلب المعنا
ذكرت منهو بالتواصيف مملوح
الجادل اللي في غرامه فتنا
اللي بلاني بالهوا وابعد الشوح
مالي جدا غير ارقبه واتمنا
يا برق مادامك حراويه وتلوح
سلم عليه وبلغ الزين عنا
قل له تراني بالهوى صرت مفضوح
ودموع عيني لا طرا يذرفنا
وقل له ترى قلبي متيم ومجروح
فيه الجروح استوطنن وسكننا
وان كان ما رد الاجابة افمسموح
من قبلنا عنتر اعضامه فننا
وابن الملوح سبة الحب مطروح
من حب ليلى قالوا الناس جنا
