بديت بسم اللي خلق كل حيا

رب العباد ورب سبع السموات

ومن بعد ذكر الرب ببدي بشيا

يمليه قلب فيه شوق وحسرات

يا طي حالي من عنا الوقت طيا

طي الورق لاصار وسط السجلات

من اللي سلب عقلي جميل المحيا

له طلة ما يصفه قول الابيات

وله غرة يضوي بها النور ضيا

يضحي سواد الليل صبح وفلحات

ورمش العيون اللي بها شفت غيا

سطا صوابه بالضلوع المحتات

مر هجير ومر في وسط فيا

ومركما اللي ضايع في متاهات

يطرد سراب البر يحسبه ميا

حده سموم القيض لورود مظماة

من لا يمي في طردها ما عليا

لو كان تسقيني عذابي بكاسات

يا ليتني وياه دايم سويا

ولا ينفع الولهان ترديد ويلات

يا بو سعد أن كان لي ما تهيا

لا والله اللي رحت ما به مروات