ويش حرمه ما تجيب الا عيال

عمرها لو طال ماجابت بنات

هي تجيب عيال من فعل الرجال

والرجال ابوابهم متقابلات

مرحبا بك يا سعد في كل حال

بالتراث احلولنا متوافقات

بالملاعب كل ماوافق مجال

تدخل الكورة ليا ركّز وشات

الاجابة دائماً قدر السؤال

جاك حل اللغز بالعلم الثبات

«كورة» بالباب يزيده جمال

لعب «الاخضر» بالفنون المعجزات

مرحبا مالاح برق بالشمال

ويالله اني طالبك حسن الثبات

وصرت احب البنت من حب العيال

«كورة» عاشت على خذها وهات

منتخبنا عادته كسب النزال

يكسب الجولة ويمشي في ثبات

ودايم رجاله على كل الحوال

يسجلون اهداف بالمتقابلات

الحلا والجاذبية والجمال

كلهن بين المعاني الوافيات

والهدف لا تحسبونه راس مال

«كورة» ماله اخوان ولاخوات

جاك بيت من اريج اهل الشمال

فيه حل اللغز والمعنى ثبات

«كورة» تدعي الجماهير الثقال

يرفعون الصوت فوق مدرجات

الجزيرة لغزها مثل الهلال

بيّن ماهو من اللي خافيات

اشهد انه حاكمه قرم العيال

حله الكورة وخذ علم الثبات

المدرب بالملاعب ويش قال

ياهل الكورة اليا راحت وجات

كم يصير من الحرج والانفعال

والابواب مشرعة ومفتحات

عندنا اطفال بالحارة مثال

بالعقل والثقل والممشى ثبات

بس فيهم واحد رجله شمال

شات «كورة» خلت المنورفتات

قلت «كورة» حل مضمون السؤال

لاجلها تبنى كبار المنشآت

فوزنا مضمون لا حل النزال

كم بطولة كاسبين الطائلات

اللغز ما يشغل الفكر انشغال

قد عرفته والمعاني واضحات

هذي الكورة ولا غيره مجال

سار فيها منتخبنا في ثبات

يا سعد صنهات خذ رد السؤال

استلم بيتين مني جاهزات

لغزك الكورة ولافيها جدال

والعيال اهداف فالمتقابلات

لغز ابو صنهات يشغل كل بال

لا قريته قلت ذا من المعجزات

واثره الكورة جنوب فالشمال

والعيال اهداف مامعهم خوات

يا سلامي كل مافاز الهلال

وقال يالخصم المقابل خذ وهات

سجل التمياط فالمرمى عيال

الهدف يتلو الهدف شي ثبات

مرحبا ماهب ذعذاع الشمال

مرحبا ما شع نوار النبات

الحقيقة يا سعد غير الخيال

مثل ما الكورة بعد عين الثبات

من يقول ان النصر مثل الهلال

والفريقين العبوا بمناورات

كورة تاتيك من صوب الشمال

والهدف ياتيك في لحظة سبات

منتخبنا لو توجه له سؤال

لا تضيع جهود مسؤول شتات

العب الكورة بلمسات الجمال

والنتيجة فوز باهداف ثبات

عد ماهبت نسانيس الشمال

مرحبا وعداد مزن ناشيات

يا سعد من دون شك ولاجدال

تقصد «الكورة» وذا علم ثبات

مرسل حلي على ذاك السؤال

مرسله يوم الاحد قبل الفوات

كورة عيالها جملة اقوال

كم حصل باقوالها من مشكلات

يا سعد لاهنت في جزل المثال

مثل لغزك نرغبه بالقرم هات

كورة باسبابها يحصل جدال

دوك حل نرسله حل ثبات

السلام اعداد ماتذري الرمال

للرجال اللي لهم معنى وذات

وعد منهو صال بالملعب وجال

وثبت الكورة على المرمى وشات

منتخبنا هو بطل في كل حال

لا لعب ياناس شتتهم شتات

لغزك الكورة ولا عنه محال

والولد في رجل ماجد يوم شات

يا سعد جبناً الجواب من السؤال

يا عسى تسلم اخذ علم ثبات

كورة الملعب تشات بكل جال

والمهاجم لا وصل للباب شات

يا رجال الطيب يا عيال الحلال

يالنشاما اهل العلوم الطيبات

قلت أنا الكورة ولا فيها جدال

والعيال اهداف الاخضر مقبلات

يا هلا مالاح براق الشمال

واكتست ارض المحل عقبه نبات

خذ جوابي يا سعد غيره محال

كورة من به تولع ما يبات