يا المطيري جيتنا ثم فرقت الجماعه

قمت ترسل فالسواليف لين ادوخت راسي

لو تريض لي وتسمع علومي ربع ساعه

كان ابعطيك الذهب صايغه بفصوص ماسي

المطيري ما يخون الأمانه والوداعه

لا تغيرك الروابع وخل القلب راسي

لو يجوع الذيب فالبر ما ياكل ذراعه

بيننا رفقه وعلمٍ نقيسه بالقياسي

كل ما لديت فيّه يصيب القلب راعه

وأثر خشمك هضبةٍ ما يواسيها المواسي

جيشكم ما عاد نعرف هجومه من دفاعه

كل جنديٍ يدوس له دربٍ ما يداسي

يا ثبيتي ليت عندك عن الحمى مناعه

الطعام اللي تلوث يبين بالتباسي

المذيع اللي يسولف بنشرات الاذاعه

مرتكي له جوف غرفه ولا عنده كراسي

ترضع الخلفه لحالك وطغتك الرضاعه

باتت الأجواد واما أنت جاي لك حساسي

كل هندي فوق شط البحر باني شراعه

صار شاطر مثلكم فالصرام وفالدياسي

درّها في جوف بطنك ولا عقبك طماعه

تشرب الطاسه لحالك وحاديك الحماسي

وأنت رجلٍ شافعي مير ضيعت الشفاعه

لو قلنا ناسي الدين وأنك ما انت ناسي

مانبي يا قوم من سوقكم شريه وباعه

لو بسطنا بالذهب عندكم يرجع نحاسي

يالخزاعي طيع شوري وعود مع خزاعه

قبل تصحي بك عيونٍ مطاوله النعاسي