والله ما جنّب عن سلوم الرجاجيل
الليل مشى فيها أبويه.. وجدّي
سلوم الرجال الطيبين المشاكيل
لحفظها.. والشاهد الله مجدي
سجلتها في مهجة القلب تسجيل
وقضبتها قضبة عصايه بيدي
ما سمع بها من روّج القال والقيل
أنا لها.. وأيضاً لهلها مودي
يوضي سناها فالدجى كالقناديل
خسران ياللي عن سنعها تصدي
تفخر بها شرابة البن والهيل
وتبقى مقيمة دوم رغم التحدي
عنها نبي نعطيك موجز وتفصيل
والا أنها من كثرها ما تعدي
تدي اركون الدين باليوم والليل
وخمس الفرايض لاجلها تستعدي
والصدق مبدأ كاسبين التنافيل
وأيضاً الأمانة من ميّزهم تعدي
وعون الذي يشكي من القل والميل
وحاله من احداث الزمان امتردي
وللضيف تذبح بالقى قرح الحيل
اللي يعشي الضيف واللي يغدي
والجار يلقى كل حشمه وتكميل
في واجبه يالين عنهم يشدي
وفيهم وفاء مشهود ما تبخس الكيل
ناسٍ كما تأخذ بحينه تردي
هاذي سلوم أسلافنا يالجهاهيل
أساسها من شرعنا مستمدي
