يسألونك عن اشعاري وهل من جديد
وين شعر الجريح اللي غرق في هواه
يسألونك يحسبون إن قلبي حديد
لا كساه الصدأ يشرف على منتهاه
قل لهم ياعزيزي على عمرك مديد
إن شعري يبي له جو صافي سماه
القصيدة تبي متفرغ للقصيد
تبي منهو ليا من شال غنوا معاه
تبي منهو خلق وقته على مايريد
لا نوى يسهر اصطفت ربوعه وراه
ياعزيزي ترى فكري سجين شريد
أنت عاصرتني وتعرف داه ودواه
عالم عايشينه له طراز فريد
من أدانوه عاشق ما يكمل عشاه
الحيارى تمنيهم عذارى وغيد
والعذارى يموت أحساسها بالعباه
للذي مثلنا ما فيه شيء أكيد
غير منهو تمنى مايحصل مناه
المثل قال لازم للمحبه شهيد
عل هذا نصيبي من نعيم الحياه
