أترجم الغلطة بخط وتعبير
غلطة جريح القلب في حب خله
غلطه ولا ظنيت في يوم بتصير
كلمة أحبك بين الأحباب زله
صحيح كلمه ما لها فيك تقدير
مثل التمر لو اثمر بغير حله
يا نفس من يسكن بيوت العصافير
لابد ما تهدم ولو كان فله
لك عزة يا نفس عن ذلة الغير
ما عاش من هانك بطعنات ذله
الحب لو يكتب حكايه وتقدير
عن ما حصل لي كمل الدهر كله
هذا ولا قد صار في يوم تقصير
من هاجس للقلب روحه وظله
اللي توهم بالمشي يقدر يطير
مهما بعد عن مستوى الأرض قل له
هذي مواقف ما لها صرف تبرير
عجزت أفهّم واحد مخلص له
اسمك تراه حروف نقص وتصغير
وأداه حصر وجد وحروف عله
