هل السحاب وشرفوا كل الاحباب
بعد الغياب استانست كل ديره
وحلوا على الطائف عروس المصايف
وجوها الولايف من ربوع الجزيره
واستقبلتهم بالقلوب احضنتهم
والورد حشمتهم تنثر عبيره
وا لفل وا لريحان هايم وفرحان
يعلن على الأغصان حلو اتعبيره
والشمس زرقا والبساتين غرقا
والزهر شرقاً والحدايق نظيره
والطيب شامل في عيال الحمايل
والراس طايل والمكاسب كبيره
يا مرحب ترحيب فوق المواجيب
طيب وصفا ترحيب ما فيه غيره
الطائف المانوس جنات وغروس
طيب وعمل مدروس بأهله وأميره
يستقبل الزوار من كل الأقطار
في ظل حامي الدار عز وستيره
اتعيش دولتنا التي اكرمتنا
بامجاد عزتنا تسير المسيره
اتعيش نهضتنا ويبقا فهدنا
قايد مسيرتنا بعلم وبصيره
الحب يجمعنا والافراح معنا
وا لشرع مرجعنا وننعم بخيره
حباً نشينا فيه نرفع مبانيه
في كل ما يعنيه ربع وعشيره
هذي تراحيبي وشوقي وطيبي
حضي نصيبي من خلال )الجزيره(
