أشوف ان الشتا وقف على آخر حدود العام
وعيّا الغيم لا يرعد وهذي الارض عطشى تموت
هنا واسمع حروف البيد تتوسل تنادي حرام
اطالع هالفضا الواسع بعيني والفراغ.. بيوت
حبيبي يا عبق هذي السنين وغربة الالهام
ترى هذا الغصن يشتاق زهرك.. والليالي تفوت
انا ما اعاتبك كثر الحنين.. وكثرة الاحلام
ولا ظني على المحتاج لوم.. لا لقيتك قوت
ترى هذي المرايا صارت بقلبي بقايا لثام
وغاب الليل في كف الظلام وصوت المكبوت
تعال.. وضمني بصدرك وله.. ضمني بيديك لجام
وشرعني بخيولك في خيام تلبسك بشوت
أنا ادري العمر محدود.. ويمضي العام تلو العام
أجل هاك العمر كله لاجلك.. واللي فيها تموت
