نادي الهلال اللي عزيز عليّه

جاب الذهب واليوم حقق مراده

عود لنا والفوز جابه هديّه

للمملكة جابه وجاب السعاده

هذا الزعيم اللي عزومه قويّة

منا له التقدير وأيضا الاشاده

ما فيه مثله بالنوادي وزيّه

بالقابه اللي دايم بالزيادة

ومنا لابو فهد جزيل التحية

قاد البطل للعز نعم القيادة

حتى تحقق ما يبي واهنيّه

هذي ثمار اللي سعى باجتهاده

خلق مع اخلاق ونفس رضيّه

وحسن التعامل والصبر والجلادة

وجمهوره اللي دايم له وفيّة

وسط الملاعب دايم هو عماده

وهذي فعول أهل العقول النقيّة

سلطان ونواف بنوا بالركادة

قادوا رياضتنا بفكر ورويّة

عزّ الرياضة واضح هو شهادة

مبروك اقوله للنشامى سويّة

يا راسمين العز نلتوا السيادة