مسموح في حقي ليا اخطيت مسموح

قلبي معك ياروح روحي سموحي

حبك كتمته سر ما والله أبوح

واللي عشق صعب لسره يبوحي

حبك فضحني وراعي الحب مفضوح

حبك معاليمه بحالي وضوحي

لولا الحياء لآ صيح للناس وآنوح

لولا الحياء لا صيح وانخى وانوحي

في غيبتك حالي كسير ومجروح

وفي جيتك يمي تطيب الجروحي

ياروح روحي طلتك تبهج الروح

وترد في الروح ياروح روحي

خلك معي تكفى ولا عني تروح

خلك معي لاعاد عني تروحي