ياللي تعودت السفر دوم برا
عن الوطن وأرض العرب تقل مطرود
في صف واقف للتذاكر تحرا
تنضح عرق تعبان والحيل مهدود
كان السفر مفروض ما لك مفرا
خله بدار العز والطيب والجود
بالمملكة تلقى بها ما يسرا
أمن وأمان وخير والرب معبود
غرب وشمال وشرق بللي تورا
وإلا الجنوب اللي كما العد مورود
بالمملكة لالاتخاف أو تذرا
تحكم بشرع الرب والسيف مجرود
فيه القصاص إبحق منهو تجرا
ماخاف من ربه ولاخاف منقود
في ظل منهم للعداله مقرا
آل الكرم والجود والعز وإسعود
وفي ديرة الأجناب تلقى المضرا
واللي تشوفه نقص ماجاك بالزود
أقل شي إتشوف جسمٍ تعرا
وكل مايخالف دين الإسلام موجود
وعاد الصغير بثوب غيره يجرا
ماينفعه نصحٍ ولا فاد مجهود
رسخ إبفكره كل شيٍ يمرا
ويحن للي شاف لو شاب ويعود
وأنت السبب عن غلطتك لاتبرا
حقه ثبت في يوم شاهد ومشهود
وكم واحدٍ نسى الوطن وإستقرا
فكره غدى وأصبح عن الدار مصدود
والنصح به خيرٍ وبالنصح شرا
واللي نصح بالخير بالخير موعود
وصلّو عدد ماشيف نجم المجرا
على النبي إعداد مايخضر العود
