يوم صار مدلل القلب حبيت أخدمه

قلت له قلبي فراشك وعيني لك غطا

قال في قمة غروره.. سمعتوا مقدمه

علموه ان المحبة تموت مع البطا

والحقيقة ماصدمني ولا القلب اصدمه

بس ما استوعبت وشلون بالمنطق سطا

كيف انا اقدم له الحب قبل اقدمه

والله انه يعرف البير ويعرف الغطا

ويدري إني ما بنيت الجفاء حتى اهدمه

وكل ما مني ليا ابعد يحث اله الخطا

ماتجي بالعقل يفتح طريقه واردمه

إلا أنا فتحت له قلب ماغيره وطا..

فيه قدامه، ولا غاوي حط اقدمه

ذاخره للي حياته مثل رمز العطا

عاد انا ادور له العذر جعلي ما اعدمه

طالما المنطق سعد.. والله اللي له عطا

ليت حبه غلطة العمر لاضقت اندمه

المصيبه كان حبه خطاي.. احسن خطا!!