دام لي صبحي حرام انا اعتقد. ليلي مباح

ياعيون.. أول نجومي أسري بحزنٍ طواني

كلها دمعة وراحت مثل ما أغلى الخلق راح

لين خاويت التخاذل في طريق أحلى الاماني

كان حلم وضل حلم ولو تحقق ما ستراح

يبقى.. يحلم بي دايم.. ما فنيته.. ما فناني

ودام سميت الطعون وأول أسماها. شفاح

نصفي. يعاني وأنا أكذب لا أنا كلي يعاني

ياعيونٍ من هموم.. وياعروقٍ من جراح

بي غرستي كل ويل ولي سقيتي كل شاني

هذا كل اللي تبين إن كان في روحي فلاح

أول اهدائي طعوني واخر اهدائي حناني

شاعرٍ.. جربت كل شي لاتضنوني براح

شاربٍ عذب.. وهماج بحرفنه والله بلاني

شاعرٍ.. عانى وعانى بنشراح ولانشراح

ما اكل غير العذاب ولا شرب غير الجناني

وكل ما ساح الفرح للغير بي جامد ماساح

وكل ماجيت احتريها فرحتي قالت ثواني

لين فانوس الليالي بارض شعري طاح طاح

حتى.. ليشت القوافي.. بالمثايل. والمعاني

وأنا أظن الشعر هاجر عن عيوني ولا زاح

وأثره بهامت خيالي ينحت حروف ونعاني

وصرت للواقع ضحية يوم أنا الواقع وصاح

حتى استغرب بعمري معنى ايش اسم التهاني

بسمت أيامي سواد. وخدها كله كلاح

سمت بذبحي بقهري والقبر كف الزماني

وكل شيٍ.. بان فيها من معالم.. بتضاح

كل شي بان فيها الا هالسبب عيا يباني

وياعيون. اخر نجومي مابقى بالروح راح

صرت من جور الزمان انا اعتقدني شخص ثاني