لا تقول حليل قل الله حلاك

الحليل بسلمنا يعني خبل

آه.. من طيش القصيد ومن شقاه ومن هباله

وآه.. من شي يحد النفس وازعلها عليه

شاعرٍ لا ضاق صدره من زعل طوّح عقاله

وجر دلوه من قليب الشعر واخرجها رويّه

له ثلاث ليال ما ذاق المنام ولا هناله

كل ما غمض جفن عينه تبعد عن خويّه

لا ذكرت «الشايب» اللي كنت انا اصغر عياله

كنت احس بقيمتي عنده واحس بمقدريه

كنت انام بوسط بشته واتفيا في ظلاله

وكان كل لي لحاف وعن سموم القيظ فيه