تخيلتك وما ظني تخيلتك وانا مرتاح

تخيلتك بعد فرقا قريب تلملم اشواقي

تخيلتك قريب ونتقاسم نبضة الارواح

على ذكرى الليال الماضيه وابعثر اوراقي

ابيك تجدد الماضي ابيك تعوض اللي راح

ابي فرحة لقانا تجبر طعون بالاعماقي

تعال نجدد الماضي وندله في وصل وافراح

تعال نعيش بالفرحة وخل اللي بقى باقي

تعال وجبّر طعون الجفا في خافقي وارتاح

تعال القلب ماهو دايم برضاي ينساقي

عساك اول دروبي والهموم الموحشة تنزاح

ليامني وصلتك طاب لي جرح بالاعماقي