يا نور عيني وأنتم الكل بالكل

حرام تتركني عليك أكثر النوح

وش حيلة اللي عقله ان غبت ينشل

وإذا حضرت البال رايق ومشروح

لو كان مثلك ألف مرة عليّْ.. زل

مسموح لو من زلّته كنت مجروح

ان كان في ما قلت معنى لشي.. دل

أظن دل ان أنت مسكنك بالروح

المشكلة تخطي وأنا ما أقدر أزعل

يا كاسر الخاطر تراك أنت مسموح

وجهك بشوش ولا بدى طيفه وطل

أبيع وقت الحزن واشري به فروح

ليتك تسايرني مثل سيرة الظل

وليتك قضاي اللي مسطّر على اللوح

حيث ان غيرك ما اصطفيته معي خل

ولا غيرك أسراري على إيده غدت بوح