بيّض الوجه ما قصر فريق الحماده

حقق آمال جمهوره ونال الصعود

حقق المركز الأول بفعل اجتهاده

جاب درع البطولة رغم عين الحسود

عمّت الغاط فرحة صاحبتها سعاده

والله أن فرحنا بها الفوز ما له حدود

قاده الشيخ أبو فيصل بصبر وجلاده

رغم كثر المشاكل أثمرت هالجهود

حارب النوم عينه ما اهتنا في رقاده

يسهر الليل لأجله والخلايق رقود

يعمل بصمت وبحكمه وطيب وركاده

يا الله أنك تعينه يا كريم ودود

ناصر اللي تعبك لين حقق مراده

لين خلا طريقك ياسمين ورود

ولد سعد الوكيل اللي له الطيب عاده

وارث الطيب والله من جدود لجدود

ماكر الطيب مني ما يبي له شهاده

له مواقف تشرف والمواقف شهود

ودام ناصر رئيسك يا فريق الحماده

ابشروا واستعدوا من صعود لصعود