فز قلبي يوم علته العيون
علة الوسمي على الجرد اليباس
ثارت الصيحة على هل المزون
نوها اللي منقطع فيه النعاس
انبتت فيه الحيا عقب الشطون
واسفهلت فيه نبرات الحماس
تو نفسي تستفيق من الغبون
وتو عيني تدري ان في الارض ناس
يا بعد كل الملاكل الزيون
مرحبا ترحيبةٍ فوق القياس
يا هلا باللي نصاني بالطعون
فرحتي به فرحة تجلى العماس
فرحة الطفل الذي فض الظنون
وابتسم للعيد فرحة باللباس
أقبلت بين الحنايا باللحون
وانعسف حظ معاكسني عكاس
كان قلبي من ورا ضلوع السجون
وقته وَنّه وله وضعٍ لاباس
لين فكه سارح الطرف الحنون
من مراويع الليالي .. والرواس
ياهواي انا بدونك من اكون؟
كيف اقول: إني أنا؟ وعلى أي أساس؟
