والله لولا الربع والربع نية

ما ينزع مظهورنا حادرين

والله يا فرقا حسين عليه

الا انها ظلما من الظالمين

ودي بهم لو كان قوما لظية

احب هم حيث انهم طيبين

ابشر بها يالعوهلي جات مهداه

غفل ولا جرت عليها الوسومي

لا تحسب ان مقطان شرمة نسيناه

ولانسينا طيبات العلومي

تسعين ليل كل ليل على شاه

والساق ما بين العواد محزومي

انتم هل المعروف والطيب نجزاه

نجزا العلوم الطيبة بالسلومي

تستاهلون المدح يوم المثاراه

واخص اخو نورة قوي العزومي

يوم الملاقا بين ضرب شلفاه

على العدو والا الرفيق محشومي

حسين بن جامع ترى العلم ينصاه

شيخ شجاع ومن رجال قرومي

وربعه هل البلها صناديد ودهاه

ان جا نهار فيه حظ يقومي

قصيرهم في عالي العز تلقاه

مصيون عن لفح الهواء والسمومي

والجود منهم لو جزيناه بثناه

وحنا وفينا باتباع الرسومي