يا اهل الركايب درهموا لابن غزي

في منزلٍ ما احدٍ يسوي سواته

قرمٍ الى شاف الركايب يفزي

يومي لهشال الخلا في عباته

لاصار يوم فيه قل التلزي

يسر ضيفه فزته وتهلاته

ياليت عندي مزرع فيه رزي

حتى بطحنه ما يكلف بناته

كلٍّ يقول إني طيب

والطيب ياتيك خبره

الطيب مثل ابن غزي

فلاح يسني له بقره

والى خطروه اهل الميه

عشاهم كنهم عشره

أهل دلالٍ تمنوها الشواريبي

بين القبايل مشيعٍ ذكرهم بيّن

جعل قصر لابن غزي علينا يعود

مايمله قصيره لو تطول السنين

لا اقبلن الركايب عند رسم العدود

عند عبدالكريم القرم ذكره يبين

ياقو صبر صابرينه عزامه

عز الله اني لو تجودت مطروح

على عشير شف بالي سلامه

عقب يديه وشبع الروح للروح

العين عين اللي زريقه حمامه

نشدت انا راعيه قال امس مطروح

عليه قلبي ساعر به هيامه

لكن ينهش ثومة القلب ينبوح

غديت مثل اللي بدا بالمشاريف

جاه الظلام وطيرته مالقاها

حزة غيوب الشمس جاها صواديف

شافت جراد يوم ما الله هداها

على عشير نتف القلب تنتيف

تنتيف شقران الحرار لعشاها

الا ياذلولي درهمي واصلب الشليل

كلفتك وانا مثلك على السهر مكلوفي

انا بالشتا والقيض همي مسار الليل

عذابي مقيم ولاحصل منه مصروفي

وعطاني طويل العمر بشت واثره سميل

وخمسة عشر شوشي ثمن بدلة الصوفي

لو انه بخيل كان اعذره واقول بخيل

لاشك اغتنوا منه الفقار وانا اشوفي

اشوفه عطا جيشٍ حمر ولقحات وخيل

وانا اتنا معاش للديايين مايوفي

قمت اتفكر وافتكر وين ابا اروح

قالوا لي الاجواد رح للسدارا

يوم ان دياني رماني على الصوح

ذكرتكم ياهل العطايا الكبارا

البارح البارح البارح سراء البراق شرق وشام وامطر وهل

والليله الليله الليله قنوف المزن ما ومرت ولا هل ماه

ياهل الجالبوت اللي كساها نوخذاها يوم دار الهوى سفديره

اركبوني تراني ما اقبل السنبوك والهوري ولا اقبل ركوب الشوعي

ياعزيزي فوادي من ملاويف الدهر واعذابه كن يصلاه صالي

مادرى غيرك احد بالجماعه عن خفي السريره علتي باطنيه

يقول المولد بدع زين اللحن واللي انشرح خاطره لازم يحوفه

بعد صلى العشاء التالي وسلم ثم اخذله من الغليون جره

الليله الليله السرحان شاف الذيب سرحان

والذيب للذيب ماعند آخر لآخر طماعه

اما تخاون جميع وكلهن ماهنب رديان

والا فكلٍ على فاله تعشى من ذراعه