الى بغيت ادله عرض درب الأصداف

ولاحظت لي شي يثير القريحة

واخذت لي محراف مع درب محراف

وهذي حياة أهل القلوب الجريحة

يا سامعين القيل والنور ينشاف

مهما يطول الهرج يبقى صحيحه

مثل الذهب بيدين تاجر وصراف

ما تدركه نفس قبل مستريحة

اتعب على الجزله وللشعر ميقاف

ما يقبل المتردية والنطيحة

هذا ودرب الطيب مع راس مشراف

طرقت رجالٍ كاسبين المديحة

درب شريف يجمع الناس الاشراف

قلته وهذي كلمتين فصيحة

العرف ما يعرض على ناس عراف

والمجتهد مثلي يقدم نصيحة

لعلها تنفع ويختم بها القاف

وكل على ما قيل دلوه يميحه