رجل ببطنه تشوف انثاه

ولا ينفع واحد بلا الثاني

عادل وهي للعدل تقداه

ولولاه ماصار حقاني

العامل اللي بنى مبناه

ما يبني الا بميزاني

والمويه اللي بوسط احشاه

فيها دليلٍ وبرهاني

اللغز يا مِحكمٍ معناه

لاهنت حلّه لنا باني

منسوب للما وهو ماجاه

ميزان في طوع الانساني

ناصر كسب صيته بيمناه

اصبح للالغاز سلطاني

وابشره مابغى جيناه

ميزان بنَّا وله شاني

ناصر عديم بعيد اخطاه

يشدي سحابٍ تعداني

الحل واضح قديم ابناه

ميزان عدل وحقاني

باسم الله ابدا الجواب ابداه

فرد صمد عالي الشاني

ومن بعده الحل لك جبناه

راع البنا يقول ميزاني

اغلى تحية نبي مبداه

للي طرح لغز فناني

دوَّرت حله وانا بلقاه

)للماء - يقولون- ميزاني(

لغزٍ توضح لنا معناه

معروف من ماض الازماني

والحل بالعين قد شفناه

الحل )كتله وميزاني(

المدح يا هل الوفا يزهاه

اللي لا صيل الادب صاني

وافي ولغزه يجي حلياه

وش عاد لاصار ميزاني

يا ناصر اللغز من شفناه

واضح وحله لنا باني

ميزان والعدل هو معناه

والله ماله حلي ثاني

اجد بلغزه كثير اغثاه

والا انت ياصاح فناني

لغزك اعرفه واعرف انثاه

علامةٍ وسط ميزاني

لغز الجزيرة حبك معناه

رجلٍ بالالغاز له شاني

ناصر نشدنا وجاوبناه

«ذي عين في بطن ميزاني»

لغز عرفناه من مبداه

ولا عادت اللغز يخفاني

ميزان واضح على معناه

من غير زوداً ونقصاني

ناصر ترى لغزكم جبناه

والحل واحد بلا ثاني

في الوسط شوكه مع المثناه

واسمه ترى يقال ميزاني

لغزك ادلل على معناه

لو اني عجل ومشتاني

دور على هالرجل تلقاه

ميزان في كل دكاني

شكراً لناصر على معناه

لغزه يجي دوم فناني

الحل بعد التعب جبناه

وسط الدكاكين ميزاني

نبي نهيجن لما نلقاه

يا طيب قلب ولساني

اللغز جيد على معناه

شعيرةٍ جوف ميزاني

يا صحابنا النقص ما نرضاه

ودي بعدلٍ وميزاني

واستاذنا الوضع ما يخفاه

عادل ونشمي . وفهماني

اللغز صعب ونبي نلقاه

وارجو عسى الرب يهداني

ميزان وبكفته انثاه

ومن يبخس الكيل موجاني

يا ناصر لغزكم جبناه

لغز صعيب وملياني

ميزان فيه العدل شفناه

ينصف ولا يظلم انساني

تراث لغزك زهى محلاه

معروف من دون عنواني

والشاعر اللي نعرف خطاه

في حل الالغاز )ميزاني(

اللغز بتراث يوم اقراه

اقول راعيه فناني

والحل بعيوننا شفناه

ميزان ما نيب غلطاني