أتصبر عسى ربي يعين

حيث ما هي على الله كايده

يا الله أنك تزينها تزين

يوم خلى دياره نايده

طرفي اللي ذرف شوق وحنين

كن شوك الحماطه صايده

قال قلبي لعيني وش تبين

من دموعك ولابه فايده

قالت العين للقلب الحزين

أنت مثلي ونارك زايده

مير من عادتك تخفي الكنين

في هوى ذا الهنوف القايده

رد قلبي كفى لا تجزعين

الغلى من عصور بايده

يا بديع البها صافي الجبين

حبكم بالضماير شايده

ارحم اللي يحبك من سنين

غيرك القلب ما هو رايده