يا مسافر بالدروب الطويلة لاتنام
احذر النوم المفاجئ وفكرك لايغيب
انتبه لقيادة )المركبة( خلف وأمام
خل عينك واعية للبعيد وللقريب
كل )سايق( ينتبه للقيادة باهتمام
إن مشى فوق أسود القار والا مع جذيب
يحذر السرعة ترى ما مع السرعة سلام
كم واحد من سببها بكاه أغلى حبيب
كم واحد راح من سبة السرعة عدام
وانقطع منه الرجا وانقطع منه النصيب
لو تروح تشوف قسم الجراحة والعظام
تدري أن الجرح من حادث السرعة عطيب
هي سبب لاتلاف الأرواح مافيها كلام
حسب تقرير المرور وحسب قول الطبيب
لاتجاوز عن أصول السواقة والنظام
ثم تاقع بالخطا وأنت لك قلب لبيب
واطلب الله واذكره يوم شديت الحزام
يشملك بامانه اللي على خلقه رقيب
لك عيال تنتظر عودتك بامن وسلام
يفرحون ان جيتهم بالسلامة من مغيب
أنصحك لله مالي ورا نصحي مرام
والنصيحة عادة من قبلها ما يخيب
