رحنا وخلينا وديع الحفايا

على نفي مع أيسر النود نزال

حطو على قبره رفيع البنايا

ورحنا منه مع طلعة الشمس نزال

أخلوا ثقلها طيبين العنايا

لاجا لها عند المثلي تجيوال

وتعاقبن كنها تعيقب حدايا

وأصواتهم كنها تصاويت منزال

والله ما اطرب وينساح بالي

إلا لياما أوحيت صكت فحلها

يدرج حيران نياق غوالي

من بينهم والضو تذعر قبلها

والربع يامدغش ربع رجالي

والسالفة لاجات ما أحد شقلها

والله يالولا كيفة بعض الأمراض

ياحالي انه مابقى إلا قليله

لاضاق صدري قلت شبوا لي النار

حطوا حطب رمث جرومه جليله

دنو ثلاث مابها أجوا ولا هجار

ونجر يصوت للنشاما عويله

يا والله اللي شدو البدو يالبيق

وخلوك والسبعة ودير سفواني

شدوا على اللي كنهن الشواهيق

كل أشقحن ياتيك له ثعواني

من عقب ماني قنب صرت كنبار

وسبحان من له في عبيده حكومي

رمتني الدنيا عى الشط نطار

في ماقع وادي الركاكه عمومي

كني من الأزرق على كير بيطار

أرطا شبوبه وستاد مهمومي

واللي يشب الكير بالشب جوار

عكل عليها صالب ما يقومي

بريةٍ ياشهيل وبهارها هيل

واللي يزينها يمينه طريه

محي لها بالي من الجمر ياشهيل

لاهي بلا حرقه ولاهي بنيه

والماء قراح من هضاب شهاليل

من هضبة ابن حويل والا الوقيه

وله: في الروسان عتيبه:

والله لولا الربع والربع نيه

ما ينزع مظهورنا حادرين

والله يافرقا حسين عليه

ألا أنها ظلما من الظالمين

ودي بهم لو كانوا قوم لظيه

أحبهم حيث أنهم طيبين