عليل الحب وقتي ماصفا لي
أفضل وحدتي وأجلس لحالي
على الأطلال والوقت استعيده
زمان فات وأيام وليالي
واسافر في خيال الفكر ساعه
واعيش شوي في عالم خيالي
واسجل باليراع أجمل رساله
رسالة حب وابعثها لغالي
رسالة حب من روحي لروحي
لعله يعطف ويلطف بحالي
لعله يرحم العاشق لعله
بنظرة عطف وانسى ما مضالي
يشوف الحال من بعده نحيله
بعد فرقاه ما غيره زهالي
أنا المشتاق في حبه وقربه
ديل الروح خلي راس مالي
وأنا اللي كل ماغنى مغني
يذكرني بخلي ثم طرالي
طواري حركت شوق وصبابه
ولالي فيه حيله واحتيالي
وأنا اللي فيه ما اسمع قول عاذل
واقول لعاذلي مالك ومالي
وأنا اللي فيه ما اسمع للنصيحه
وأنا الملتاع وقتي ما صفالي
