البارحة يازين مابين همين

هم الفراق وهم نوم الليالي

إن جيت أبا امسح صورته عيت العين

وإن قلت أنا بنساه زوله طرى لي

ياما صبرت أيام من حسبة سنين

واذوق طعم الموت مر وحالي

ياما غدا فالحب ناسٍ مجانين

حبٍ يصوب مثل رمح الهلالي

راع الهوى همه ترى أقوى من الدين

يوم إن راع الدين ياخذه غالي

قلب المولع يا عرب صار قسمين

قسمٍ يشيل الهم وقسمٍ يشالي

يوم أكثر العربان يازين سالين

ما جربوا شيل الهموم الثقالي

قبل الفراق أقولها حق يا زين

حرام تهجرني كذا وأنت غالي

هذي حقيقة قلتها بين سطرين

عزاه ياقلبٍ سكنه الغوالي