لا وهنيك بالجناحين يا طير

الياطرى لك ماطرى تكفخ الريش

تسابق النسمة الياضقت وتطير

فوق الجبال الشاهقة لك مطاريش

ياماحلا كسرتك في حومك اعصير

في ضايع ماديج حوله ولا نيش

بارض عليها من السحايب تباشير

ابروقها وسط الليالي مراعيش

يا طير يا سعدك لقيت الخلا خير

من شوف بعض الخايبين الدراويش

يا ليتني مثلك بعيد المشاوير

وبعد عن اهل النمنمة والوشاويش

اللي لهم بالشر حكمة وتدبير

اهل القلوب الحاقده والمغاشيش

يا طير روح جعلها لك مسافير

اكفخ عساك دوم يا طير وتعيش