يا وكالات الانباء من مصادر وثيقة
فيه علمٍ يفيد المستمع والاذاعة
المصادر وثيقة والمعاني عميقة
من هجوسي وكل نجدته من ذراعه
كلمة الحق يا اهل الحق حق وحقيقة
نطقها حق لو الحق ثقل استماعه
قالها واحدٍ شاف الجفا من رفيقه
صد واقفى بدون اسباب والعهد باعه
والجزاء بالعمل مثله نجنب طريقه
لو هو اقرب قريب او من كبار الجماعه
مغتنين ويدينا نحمد الله طليقه
وعزة النفس عندي كنز واغلى بضاعه
لازم انا نحسب الثانية والدقيقة
والوداعه بقلبٍ ما يخون الوداعه
اجتهدنا وراع الحق لو نشف ريقه
لا يخلي حقوقه في مجال القناعه
الشدايد يبين ابها الصديق لصديقه
يا صل الحبل والا ينتهي بانقطاعه
بالسلوم الجديدة والسلوم العتيقه
انت يا طارد المقفين مالك شفاعه
مثل ذاك السراب اللي يغرك بريقه
النتيجة ظما فوق التعب والمجاعه
