جل الذي صورك يانادر النوع
ويحق لك يانور عيني تباهى
انت القمر نصف الشهر يسطع سطوع
والشمس لامن شعشعت في سناها
وانت الذي حكيك بلا صوت مسموع
من نظرة عيونك وضح مبتغاها
وانت السبب في علتي منك موجوع
وانت الذي من بعد ربي دواها
فيك الحلا والملح يازين مجموع
فيك الحلاوه بالغه منتهاها
حبك بقلبي ياهوى البال مزروع
صارت جذوره هايمه في ثراها
مدفوع لك من دقة القلب مدفوع
تركض وانا اركض ياحبيبي وراها
سهران افكر فيك والعالم هجوع
تسرح بي الاحلام واسرح معاها
ياكيف تهجرني وانا اللي معك طوع
واخلاص روحي لك وكامل ولاها
ترى الهجريازين ماهو بمشروع
ارجوك روحي لا تزود عناها
وان قدرالله والوصل ظل مقطوع
لاشك روحي قربت في فناها
