وش كان بعد الصبر غير التساهل
هذا انا من رد قلبي وعيني
تشكي يديني من جحود المناديل
تقول لجل الله لا تتركيني
تعبت اغني يا زمان المواصيل
والوقت جاملني وهو ما يبيني
وتعبت اشوفك في جميع التفاصيل
)في سلوتي في ضحكتي في انيني(
غالطت بك وقت مضى والمقابيل
مباداي.. كلمة شرف في جبيني
وكتمت آلامي بضحكة وتدليل
وخسرت لجل رضاك ناس تبيني
اسرفت فيك الحب واشقيت بالحيل
الله كم قلبي رقص في يميني
ساعة لمحتك وازعجن التهاليل
ساعة ضحكت وخالفن كلمتيني
ذبحت قلب اللي مضى بالتعاليل
قتل الرجا في لهفتي او حنيني
وش كان بعد الصبر غير التساهيل
اكيد.. ليمن رد قلبي.. وعيني
