اشكي عذاب اللي ورا الصدر مدفون

من جرح شخص في الضماير صوابه

همه طرا لي بين رشات المزون

وارجو من الله يغسله من سحابه

يا اهل الهوى وان كان للحب قانون

وش ذنبه اللي عاشق ولا درابه

كل شكى له جرح من حب مزيون

وانا حبيبي صاير لي طلابه

اغليه واللي يا عرب صور الكون

من قبلها ما قد عرفت الكتابه

سافر وقلبي عالق معه مرهون

والشاهد الله ما سلى في غيابه

واليوم وينه يا عرب وين تكفون

وين الحبيب اللي خفوقي سرابه