قوموا ارفعوا الرايات وشعاد ترجون
جات البطوله طايعه بنقيادي
هذا الهلال اللي به القلب مفتون
صفق له الجمهور وكل النوادي
كأس العرب شاله وغيره يعدون
ليطب في الميدان سيطر وسادي
زعيم كل الأنديه لعب وفنون
اسعد جماهيره حضر أو بوادي
شوفوا الهلال اليوم يلي تعرفون
مايغلبه غلاب والند غادي
شكل الهلال اذا اكتمل سر العيون
دايم يهاجم مايخاف الاعادي
خذ البطوله وخصمه اليوم مديون
نفخر بنادينا بكل البلادي
هتف له الجمهور والخصم مغبون
عالي مقامه فوق للناس بادي
واللي يشجع غيره اليوم مجنون
كثرة بطولاته وذا شي عادي
كثروا خطاطيبه وللي بيشرون
يحفظك يهلالي رب العبادي
