يوم الخبر جاني مثل لدغة السام
هز المشاعر ثم هز الكياني
ياقو فجعات الليالي والأيام
فرقا وحزن ولا عليها أماني
تأخذ من الغالين وأخوال وأعمام
تسعى لفرقاهم عيان بياني
كم واحد يسهر من الحزن ما نام
لسباب هدمٍ غير هدم المباني
ليله يروح وعيشته هم وهيام
يهيم في الصحراء ولا له مكاني
وقلبي تفجر مثل تفجر الألغام
بعد خبر حاوي جميع المعاني
قالوا توفى قلت يا ليل الأظلام
لو إن كل اللي على الأرض فاني
يا لف حالي يوم لفوه بالخام
وياتل قلبي تلة برهجاني
أنا على خالي غدا قلبي أقسام
ريف الربوع وريف من جاه عاني
مرحوم يا ريف الأرامل والأيتام
عسى مكانه وسط خضر الجناني
