نبا الفرقا

نبا الفرقا

اتعبت روحي في جناك وتغليك

حتى بلغ بحدود صبري مداها

اصبح نبا الفرقا قرين لطاريك

والنفس عقب الحب تنكر ولاها

ذاك الغرام اللي زهت به لياليك

غابت به حمول الخطا في ثراها

عفت الهوى وان جات للصدق ما ابيك

لو كان زينك كل عين ملاها

افهم وخذ لك عبرة في مماشيك

حتى تميز ميلها من قداها

الناس ما تقبل خطاك وتعديك

لو كنت من بد الخلايق مناها

كراهة الانسان ما فيه تشكيك

ما له مع اهل العرف قيمه بلاها

هذا كلام اللي منول مصافيك

واليوم احاسيس المحبة نفاها

محمد بن ناصر القريني

أعلـىالصفحة

رجوع