تشتاق لك عيني .. لك الروح تشتاق

ليت المشاعر .. وامرها في يديني

لا شفت قلبك .. ما درى عني .. وساق

أعذار تمنع شوفتك يا حنيني

باقول حانت ساعة البعد .. وفراق

غالي .. يساوي بالغلا نور عيني

غالي جََرَح .. كل المشاعر .. بالاعماق

وخَلاَّ مواجع نزفها تحتويني

وما دام حسِّك .. ما يبالي .. ولا فاق

ما همني ما صار .. بينك .. وبيني

ويصير قلبي .. لاجل سلواك سَبَّاق

يومين .. ويَمْسَح كل ذكرى تجيني

وابشّرِك .. صدري من الصد .. ما ضاق

برُود قلبك .. موَّت الحب فيني