لعيونك اشتاق.. نصف الشوق لعيونك

واهدابك السود تسرق شوقي الباقي

من بين هالناس احسّك مايحسونك

والله العظيم انك اقرب لي من اعماقي

إن غبت مليت وان حليت ممنونك

انت الليالي بعيني وانت مشراقي

النور ودّه يجي له يوم ويخونك

ماعاد به حيل من شافك وهو شاقي

اما الغدير يتمنى قطرة مزونك

ماهي غريبة اشوفك تسقي الساقي

كلما تجيني تسابق ريحك سكونك

يعطيني الهم ظهره ناوي فراقي

ياطيّب ماتطيب الروح من دونك

كل شي يحليك.. وتحليني اشواقي

الحب.. والشوق.. والتحنان لعيونك

الله يحييه حبٍ عاث باوراقي