غنيت لك والكون مقبل على الليل
وجلست اغني لين حمتني الشمس
وضيعت ف الايام.. واحترت ب الحيل
هذا نهار اليوم..؟ والا نهار أمس..؟
خلتني الاشواق مثل المهابيل
ترعبني النظرات .. واشرد من اللمس
وانظم الابيات.. واسمّع سهيل
انظم عشر كلمات .. واصفى على خمس
واهيم ف الوديان والقى البهاذيل
لا شك ف)العشاق( نوعٍ من المس
يا اللي زرعت الورد في سكة السيل
خذ حكمة المجنون من خاطر عمس
السيل ما يوقف بوجهه عراقيل
كم من قصور ودور طمس بها طمس؟
وان كان ما جربت شرب الفناجيل
خلك على بلواك واصبح بها.. وأمس
لولا طموح المجد ما عسفت الخيل
ولولاك يا الاسرار ما كان به همس
ب ابري صداع الراس بالبن والهيل
بريةٍ ف النار حمستها حمس
