بسم الذي له تسجد الخلق وتصوم
رب لنا بيّن حلال وحرامي
رب حكيم وبيده الكون محكوم
يعلم خوافينا ونطق الكلامي
يا مرحبا ما رفرف الطير بالحوم
وما غردت فوق الغصون الحمامي
واعداد ما تاضي سماء نجد بنجوم
وعد الحجيج اللي تزور المقامي
من بعدها نبدي لك القاف محشوم
ننقاه ما نرضى عليه الملامي
يامير والله ما لحق راسك اللوم
للعلم وافي يا رفيع المقامي
ترفع لك البيضاء على راس مرجوم
راس الطويل اللي تعدا الغمامي
انت الذي ما جاباً البيض لك توم
رمز الوفا والطيب راس السنامي
وانشهد انك من صناديد وقروم
حكام نجد اهل الفعول القدامي
وبالنائب اللي مثله اليوم معدوم
حر امعرب بين خال وعمامي
وصار الفرح في مدرستنا له رسوم
ونطلب عسى الفرحة تجي كل عامي
وفي وقتنا من جنب العلم محروم
العلم نور والجهل به ظلامي
تم الكلام اللي عن العيب محشوم
والمعذرة يامير واقبل سلامي
