الله من قلب تدرج تدراج

يلعب به الهاجوس في كل ديره

إليا طلع نور القمر صار وهاج

نور الكواكب ما يحلا بغيره

ليت الهوى له طب في الوقت وعلاج

وأقول عن حب الغنادير خيره

أثر الهوى يصفق على كل الأمواج

من طب مثلي في البحورالغزيرة

يصير قلبه من هوى البيض منساج

والدمع دايم ما يفارق نظيره

سبتك يا بو عين ورموش وحجاج

بيحت سدي للوجيه في مسيره

نوب غني ونوب للناس محتاج

ونوب تعرقل سيرته في مسيره

وليا صفا كأنه على عد هداج

هب الهبوب وقام ينسف غديره