آه يكفيني اللي صار لي من عذاب

ضاع حلم السنين وضاع كل تعبي

آه ما كنت حاسب للزمان الحساب

لين بين المراكب ضاع بين مركبي

انتظرت الأمل لكن تلاشى وذاب

مات حلم السنين ولا لحقت طلبي

ضايعٍ في ظلام الليل والنور غاب

ضعت بين الدروب ولادري وين أبي

السهر والتوجد والحزن والعتاب

والدموع الحزينة زادي ومشربي

ظامني وقتي الظالم بعز الشباب

والزمن حطمن والحظ مشيه حبي

طال دربي وأنا أتبع لي بقايا سراب

كل ما جيت أباصل وإدركه يختبي

ما دري كيف ما ميزت يبس التراب

أدعي بالذكاء لكني أغبى غبي