يا دارنا يا ملتجا كل مضرور
لك منزلة يا دار محد نزلها
من يوم أبو تركي طلع طلعة النور
واشرق على شبه الجزيرة وأهلها
وقوم عمود الدين والشرع دستور
والأمن والأمان سادو شملها
وحدد حدود المملكة واحكم الشور
وكل سمع في دارنا ما جهلها
تحيا السعودية وأهلها لها سور
وتبقى لشيل حمولها يا جملها
فهد ذراها عن قسى برد وحرور
كم خطة ينقض وخطة فتلها
حاكم حكيم ولازمى الضد مسطور
وأهل الحيل لا احتال تبطل حيلها
ويعيش أبو متعب له الطيب منشور
للعهد حافظ والأمانة حملها
ضد ضديد بساعة الغيض ممرور
حرٍّ رفيعات المعالي وصلها
ويا دارنا ما عنك والله مذخور
بالروح نفدي جبال نجد وسهلها
دار لنا من ماضي الوقت مخبور
دار الرجال اللي يدارى زعلها
غصب على الحساد وابليس مدحور
لك منزلة يا دار ما حدٍ نزلها
