غلاك الله ياكبره.. غلاك الله يا.. زينه
غلاك أجمل من الواقع.. وحتى من تصاويره
غلاك يعلم العاشق.. يكابر قسوة سنينه
ويزف أبهج مسافات الهنا.. تمشي مشاويره
أشوفك أصدق إحساس.. بقلبي عشته بحينه
وأشوفك أعذب أبيات الحسن.. وأجزل تعابيره
ألايا خير من شافت.. عيوني والتقت عينه
والايا خير من فز الخفوق.. وصابني خيره
والا يا ما ابخته.. قلب على حبك تودينه
والا يا حظ من مثلي.. غريب وصرتي له ديره
حيا في داخلي إنسان.. سدد للشقا دينه
حيا ومن فرحته يحلف.. أبد ما عاش في حيره
كتبت اسمك على سطر حسد في يوم تدوينه
تبي حرفك تساطير الهوى.. ترسم.. أساطيره
وش احكي لك بعد ياخير.. وكل مابي تعرفينه
وش أهدى دام كنتي.. للوجود أحلى تباشيره
