لو ما انت غالي.. ما تحمل غيابك

ولا اشقيت نفسي في رجاوي تلاقيك

أحب فيك الحب واعشق عتابك

وأحب جرحك والغياب وتجافيك

عطني غلا ياليت يسلم شبابك

واعطيك قلب بالمحبة يناجيك

فيني عظيم الشوق يشكي جنابك

يسأل عن أسباب الجفا في لياليك

وينثر لك أوراق الألم من عذابك

يمكن تشوف جروح قلبه تناديك

عشت بوهم مجروح اتبع سرابك

ظميان أشكى من عناك وتجنيك

يا ليتني حرف سكن في كتابك

وابقى معك في هامش الوقت مغليك

خذني سؤال الحب خذني جوابك

خذني معك ياليت ربي يخليك

ولو ما انت غالي ما اتحمل غيابك

غالي.. ولكن ماقويت لتغليك