واحد/ شهر واحد.. وفي مقدم العام

قمت أتذكر ما مضى من سنيني

وجيت أتذكر ما تحقق من أحلام

واليا أنى اصفق باليسار اليميني

ما فات من عمري غرابيل وأوهام

توهم الفرحة وهي ما تجيني

يّم علي الحزن واليأس مخيام

من يوم أنا في المهد باقي جنيني

من أنولدت ولفلفوا حولي الخام

وأنا أصيح أصياح مثل السجيني

وراحت سنين العمر عامٍ وراء عام

والدمع يجري فوق خد الحزيني

ولا شك باقي ما تخبيه الأيام

كم نكبةً عبر الزمن تحتريني

ما ادري حكم حظي عليه بالإعدام

وألا السعادة دنيتٍ ما تبيني

واللّه ما عمري توطيت الأجرام

ولا قلت كلمة «أوفْ» للوالديني

لكن حظي ما نفعني ولا قام

ويا ليت أبه شيٍ تطوله يديني