يامبعد عيني من الشوق تبكيك

مثل اليتيم اللي فقد والدينه

ارحم جريح القلب لاصار مغليك

يبكي عليك ونوب تسمع ونينه

انا الجريح اللي من الناس معطيك

قلبي اسير لك وروحي رهينه

ياصاحبي ودي معك في لياليك

اسهر طوال الليل عيني بعينه

نفس تمنى ياهوى الروح تاتيك

لاشك جروح القلب عيت تعينه

اعلله نفسي الحزينه بطاريك

نفس من الفرقا تذكر ظنينه

زاد الغلى و الشوق فيني يناديك

تمسح دموع من فراقك حزينه

ماقدر اقول امسك جروحي بياديك

خايف جروح القلب تحرق ايدينه