لا والله الا ساقن الشوق لك سوق

سوق الأسير اللي اليا سيق ينساق

وجيتك وانا ياخفيف الدم ياذوق

كلي حنين وشوق بالحيل مشتاق

أمشي بدون شعور معميني الشوق

شوق العمى للشوف يامدمج الساق

وادخل على الله ياعشيري عن العوق

يا ادعج غنج يالين العود يادقاق

لو بس نظرة تطفي الشوق من فوق

مع شرفة الشباك جبر للاشواق

لو ان شوف الشهد ماهو كما الذوق

ماهم سوى من شاف ماهو كمن ذاق

ولا عاش قلب عاش عشش به الذوق

ولا عاش حب بين وافي وبواق

ولا والله الا ساقن الشوق لك سوق

والقلب لك قبل القدم سار وانساق